跳至主要內容

Cafe 1950 歐陸餐廳 ~ 市中心外的超值親子餐廳

來到10月,甜魔媽媽強勢復出啦!! 首度出擊,是一家四口在妹妹打完滿月針後,來到屯門安定村的Cafe 1950 歐陸餐廳,一起渡過一個輕鬆愉快的親子下午~~


取名CAFE有Casual And Fun Experience之意的餐廳,新成立2013年8月,旨在提供一個舒適的地方,實惠的價格,並良好的食物質素。由於不是選址在市中心,找地點花了些時間,但一抵達店內,就深深喜歡它那超寬敞的空間,以及歐洲鄉村味道;店內還有書籍雜誌甚至玩具,給食客消閒/小朋友玩樂,環境及配套方面無疑是一流的!




由於地方寬敞,又有玩具,其實這裡真是十分適合小朋友到訪的,當日的Matthew仔也食+玩得超級開心呢!

Matthew: 唔好講咁多,快d俾野我食!!
好的,言歸正傳,逐一介紹當日的食物吧! 要注意是價格都是非常實惠的,抵食度驚人! 
  
甜魔一家遲到關係,食物都由店方安排,媽媽唯一的要求就是多菜,首先是荔枝松葉蟹棒沙律 ($47):要讚松葉蟹棒鮮美極了,襯以清甜的荔枝,是意想不到的合拍美味;而酸甜的沙律醬汁,襯上清爽嫩脆的生菜,以及清甜的車厘茄,是個健康清怡又美味的頭盤,超推介!!

超推介:荔枝松葉蟹棒沙律
另外也試了越式生菜包米紙春卷4件 ($25),米紙春卷皮薄輕脆,內容以菇類為主,香口不膩,再配上清爽的生菜包同上,更加美味了!

越式生菜包米紙春卷也不錯
真的想吃多點菜,媽媽又額外加點了芝士忌廉薯茸焗西蘭花 ($45),成品調味較淡,忌廉汁不會很濃膩,頗得媽媽欣賞,可以放心自已多吃之餘,也給Matthew吃了不少;對了,薯茸上還加了粟米粒,更加清新可人了!
 
芝士忌廉薯茸焗西蘭花
看!! Matthew吃得多高興~~~
負責人知道我們帶著小朋友,特地安排較多飯麵,真貼心,可知甜魔媽媽現在也是個飯桶呢! 幾欣賞這雞扒焗飯不會太多汁,底下也由較油膩的蛋炒飯轉成香草飯,香口不膩,襯以肉碎頗為惹味! 而面層的雞扒也很足料,吃完馬上飽了一半~~

雞扒焗飯
溫泉蛋卡邦尼蛋汁煙肉意粉 ($57) 也是另一驚喜之作,醬汁本身已是香濃不膩、滋味上佳,再撈上溫泉蛋後,更富迷人蛋香,每啖也是美妙享受;如果意粉本身再堅挺一些,就很完美,但現在也很難得---可知這個價錢,已經是晚市套餐價 (包是日餐湯及飲品,六點起供應),媽媽覺得是200個超值呢!!

溫泉蛋卡邦尼蛋汁煙肉意粉
撈上溫泉蛋汁,一流!!
來到肉類套餐,首先有德國式燒啤酒豬手配酸菜 ($99),超巨大的豬手,連上酸菜、薯條,還包餐湯及飲品也$100有找,太超值了吧?? 而且豬手燒得實在很香脆可口,媽媽忍不住大吃多件,非常飽足!
 
$100有找的德國式燒啤酒豬手配酸菜
柏林肉腸併盤配酸菜 ($92) 也是大堆頭之作,前後共有蘇寶力腸、黑森林腸、維也納豬肉腸、蘑菇雞肉腸、波子腸,以及法蘭克福腸六款之多,當中媽媽最喜歡帶有香草味的波子腸,但其他也各有風味,多人分享最好!!

柏林肉腸併盤配酸菜
當日的餐湯是羅宋湯,味道正常,令人欣賞是湯中雜菜特多;至於餐飲可選即磨咖啡、奶茶、檸水、綠茶、檸檬綠茶、特濃朱古力等熱飲,但如升級至其他特飲也很便宜,如媽媽點的這杯巨蜂葡萄紅茶 (單點$19),就只需加$5,味道還相當不錯呢!

好飲的巨蜂葡萄紅茶
爸爸試了homemade cocktail系列的蜜瓜精靈 (單點$29),跟餐也只加$16就可以了,份量十足呢! 同行的姐姐點了凍奶茶 (凍飲+$3),原來也是同樣的珍寶杯份量,實在很抵飲~~


最後,餐廳也有好些散點的甜品選擇(又或惠顧$398晚市四人套餐,就有餐湯4客、小食併盤一客、薄餅一客、主菜兩客、餐飲4杯及甜品4客了!),是日也試了朱古力美式班戟 ($25),由朱古力碎、曲奇、脆米及焦糖組成,小朋友一定喜歡!



另一款是熱帶彩虹法式班戟 ($42),那班戟還是其次,媽媽愛極了那豐富的水果,以及香甜的雲尼拿雪糕!


能夠以平易近人的收費,提供到寬敞舒適的環境,以及份量足、水準中上的食物,Cafe 1950真是很適合一家大小前來用餐,就算帶著姐姐來也不會肉赤;不介意花多點時間搭多一個輕鐵站,這裡真的比市中心一帶又貴又逼的餐廳贏好幾條呢!! 事實上,不知不覺安定村原來已經大翻新,附近的商場及食店都幾精美的,下次可以再來仔細逛逛~~

 
最後送上為食Matthew的吃相給大家,片中也有Chloe妹妹出鏡哦~~~



Cafe 1950 歐陸餐廳
地址:屯門安定村安定商場地下C107號舖
電話:2861 1389
 
 
** 想收到兩小兄妹的最新消息,可以like一下Matthew and Chloe fanpage哦~~
 

留言

  1. 呢間野的確好抵食,味道又不錯,如果地點再方便D,相信晚晚會爆場呢~

    回覆刪除
    回覆
    1. 係架, 不過如果佢開o係市中心/旺區, 又未必做到咁抵食, HK的租太太太貴啦~~

      刪除
  2. Matthew仔玩肚肚我睇到kit一聲笑咗出~~too big haha~~~~~

    回覆刪除
  3. 回覆
    1. 我地都有D意外呀, 不過真係幾唔錯, 後來同shangri-la PR傾起 (佢住屯門), 佢都話朋友勁推介佢去食!

      刪除
  4. 似乎不錯,除了太遠。

    haitang

    回覆刪除
    回覆
    1. 對妳來講遠呀, 我就幾方便, 遲d都考慮叫埋老人家再去呢

      刪除
  5. 為食豬果然是為食豬,哈哈😂💖😘

    回覆刪除
  6. 閒cafe 環境好優雅,唔似在屋邨中呢!食物又靚,价$真实惠呀,只可惜太遠!請問要訂位嗎?

    回覆刪除
    回覆
    1. 其實佢好多位, 穩陣起見當然訂位好D, 不過對妳地真係遠囉

      不過講真如果佢開o係市中心/旺區, 就未必做到咁抵食了, HK的租咁鬼貴!

      刪除
  7. 好似幾得喎!香港變了很多,完全無以前屋郟感覺。
    成日覺得甜魔媽媽好得意,咁後生都咁鍾意食豬手! ^^

    回覆刪除
    回覆
    1. 今次去到我都覺得意外, 屋村原來都咁靚...
      哎呀, 我同老公好細個已經鍾意食豬手架啦, 所以好肥減唔到呢... > <

      刪除
  8. 真係幾抵, 仲要啲食物賣相唔差! 有機會都要去試下

    回覆刪除
  9. 鄉村feel真係唔錯,,,好靚
    可惜遠左d

    回覆刪除
    回覆
    1. 對妳真係遠呢, 不過間野講到雄心壯志想開分店架, 希望下一間近妳啦!

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~