還記得數年前，甜魔媽媽 (當時未是媽媽啦~) 幾抗拒吃自助餐的，總覺得食物不如散點的精細；但生下哥哥Matthew後，慢慢發覺buffet的便利與吸引之處，並慢慢晉身成「自助餐達人」!! 其實，只要選擇得宜，自助餐也可以很美味，並且一次過滿足多個願望!
最近，黃金海岸酒店的聆渢咖啡廳，推出了「味遊歐陸．品酒自助晚餐」，就很適合又想試得多，又要吃得精的港人要求了!! 其實聆渢咖啡廳向來都以選擇特多見稱，前菜及冷盤區的沙律、刺身、壽司、cold cuts、芝士、巴馬火腿，全部都一應俱全，照片也只能囊括少部分食物!!
港人大愛的海鮮也絕不欺場，除了選擇夠多，當中蟹腳及大蝦的質素還很高，令人一再回味~~
這裡的甜品選擇也很多，朱古力噴泉、馬卡龍杏仁小甜餅 (好掛念為食Matthew仔呢...)、各式蛋糕、甜品杯等等，無論是大朋友、小朋友，都一定喜歡!!
小小一件除了賣相趣緻吸引，也特別方便小朋友進食，特別那哈哈笑圖案，小朋友必愛!!
熱盤的選擇也不少，無論是食肉獸、素食者，還是粉麵飯桶，都總能滿足到大家!! 另外還有兩款湯品，吃完雪糕的媽媽一來也飲了兩碗，好好滋補一下~~
不過，以上都未來到戲玉呢.... 其實今季 (10月至12月中) 的主題「味遊歐陸．品酒自助晚餐」，其實是以法國、西班牙、意大利及德國佳餚為創作藍本，並配合各式美酒，讓食客以味蕾遊歷歐洲。因此，特別劃分一個歐陸區，在一般的自助餐項目之外，加添更多的美食選擇!!
 |
| 以味蕾遊歷歐洲 |
|
| 德國的代表美食--炭燒豬手及炭燒德國香腸併盤 |
 |
| 燒雞翼，我鍾意食!! |
 |
| 還有燒琵琶鴨，又係好味!! |
除了上圖的德國炭燒豬手、炭燒德國香腸併盤、燒雞翼、琵琶鴨外，還有很多美食如西班牙海鮮飯、法國海龍皇湯、法式田螺酥盒、紅酒燴牛尾、即製黑松露海鮮意粉、香橙芝士焗海鮮、龍蝦汁三文魚伴羊肚菌莧菜餅、法式橙酒班戟等特色美食；另外區內還設粥檔及即煮蔬菜檔，真是應有盡有!!
 |
| 我愛法式橙酒班戟!! |
每位成人顧客，均可獲贈西班牙Estrella生啤或Sangria特飲一杯 (小童則會以什果賓治代替)；媽媽不能多飲酒精，還是留給當日同行的爸爸 (當是辛苦慰勞他做機佬啦~~ =P)! 另外，酒店也特別搜羅各國支裝啤酒及紅酒，如德國Warsteiner Premuim Beer、法國Chateau Peyruchet Rough 2010、意大利Santa Margherita Merlot Veneto Orientale IGT 2010/11，讓食客以半價優惠享用。
巴馬火腿伴蜜瓜又是兩口子大愛的美食，上回在Yamm飲恨，是晚就吃了超多，超開心呢!!
海鮮的質素也很好，正式坐完月的媽媽也吃了不少，特別推介啖啖肉的蟹腳，很滿足!!
飲了buffet的兩款中湯 (都不錯)，當然也要一試非常足料的法國海龍皇湯，成品十分味鮮濃惹呢!
然後是一連串的熱盤及燒烤美食，包括特色美食的德國炭燒豬手 (好吃!)、炭燒德國香腸併盤 (共有四款之多，特別喜歡香草雞肉腸!)、西班牙海鮮飯 (比坊間的足料多了，番紅花味也突出!)... 是十分的豐富! 另外燒雞翼也是非常的美味，如非太多美食又太飽，真想encore多2隻~~
對了，其實燒水果也很美味，特別推介燒菠蘿，juicy又清甜，好好吃的~~~
這款牛油汁燒大蝦也很美味，海鮮迷一定會很欣賞；琵琶鴨也烤得很香脆嫩滑可口，也是美味之選!
即點即焗的法式田螺酥盒，也很香脆美味，香橙芝士焗海鮮就滋味特別，味帶酸甜份外清新；紅酒燴牛尾的醬汁夠濃惹，也是有水準的；不過媽媽最欣賞的，還是未有影相的龍蝦汁三文魚伴羊肚菌莧菜餅，那份鮮香令人回味不已!!
已經九成飽了，但也不能錯過即製黑松露海鮮意粉；是晚媽媽點了意大利雲吞的版本，很香口美味也很填肚，吃完馬上變成十成飽!!
不過再飽也不能錯過即叫即煮的法式橙酒班戟，薄身軟滑的熱暖班戟，吸飽橙酒香口不得了，再加上一球Haagen Dazs牛奶拖肥雪糕，超美味!! 吃完再多來兩杯Haagen Dazs的雪糕杯，太滿足了~~~
對了，這裡的餐茶餐飲也是自助形式無限選點，最後飲杯熱檸水，再吃幾件馬卡龍餅，真是一個非常滿意滿足的歐陸之夜。不過是晚同行的妹妹Chloe很累了，有點扭計，或者下次應該帶為食哥哥前來，必定更開心!!
聆渢咖啡廳
地址：屯門青山公路1號黃金海岸酒店低層地下
電話：2452 8448
收費：星期一至四 成人$468 / 小童$288 (憑任何信用卡可享75折)；星期五至日，假期及前夕 成人$528 / 小童$328 (信用卡可享8折)
** 想收到兩小兄妹的最新消息，可以like一下Matthew and Chloe fanpage哦~~
燒菠蘿真係好好食架!
回覆刪除怕濕熱食左一件only… 講起上黎想食多幾件添！
刪除見到咁大條火煺就流哂口水啦!
回覆刪除香港 Haagen Dazs 款式真係多，流心 Tiramisu 太吸引了!!
香港地食buffet真係好多選擇, 幾時會返黎一轉呀? 約埋一齊食返餐丫 :D
刪除好呀! 應該要等多兩年到啦! ^^
刪除即係2015? 講講下好快就到呢, 好期待呀
刪除睇落又唔錯喎，幾年前食過覺得麻麻地，之後冇再去食了
回覆刪除唔錯架, 當晚去到都爆哂場的~~
刪除我淨係食大蝦同菠蘿都夠喇!
回覆刪除田鼠媽真係細食, 難怪咁窈窕啦~~~~
刪除種類唔洗多, 但我仲未講份量喎. XD
刪除haha, 同妳食過buffet, 妳一定唔夠我大食呀
刪除甘拜下風!
刪除我都好鍾意食呢間架，尤其出面d燒烤美食，冇得彈~~ ^0^
回覆刪除Yes, 佢的燒烤野係最好食的, 我到依家仲回味緊個燒雞翼~~
刪除Yummy
回覆刪除等妳胃口好d, 有機會約埋同matthew一齊去食buffet, 一定好開心~ :)
刪除其實今cycle 好早就有homone 反應，雖然有作嘔，無真嘔同食到好多野，成日一人食兩份，感恩呀
刪除妳真係好瘦, 的確係要食多d野, 不過就要揀過食有營養的野呀! 搵日一齊lunch, 再慢慢分享心得啦~~ :)
刪除