跳至主要內容

大隻佬麵家 ~ 有感而發的一頓【長氣,不喜勿看】

無論幾忙,除了試食外,都想盡量記錄下自己的飲食片段,因為可以更加暢所欲言。上週一,一場實在非常麻麻地的試食後,原班人馬連同Thomas來了大隻佬晚餐。
 


對於試食這回事,甜魔媽媽真是又愛又恨。可以不花錢、不花時間去搜索餐廳 (雖然我好歹算是一個food blogger,但坦白說,已經很久沒有留意新餐廳了...),就可以吃到預先安排的佳餚,固然是開心樂事,尤其一些餐廳歡迎帶同更多的食家甚至家人同往,一起用餐就更加快樂。上週吃的O delice! 就是這類又好吃又開心的試食經歷。
 
不過有時餐廳的表現真的麻麻,那篇食評既要保存餐廳生存的空間,又要讓主理人及讀者明白其實有大量改善空間,就是對文筆的考驗了。有時見到一些blogger / OpenRicer完全可以扭曲事實,因為試食而變得樣樣好吃,連帶打擊了blogger的可靠性,都幾無奈。或者這與CEO分享的一些現象有關:香港有太多的Food bloggers,你不做嗎?還有不少人願意做;而且很多Food bloggers (包括一些頗紅的bloggers) Viewship都偏低,因而部分人會造假,令真假及人氣度更難分辨。其實,很多餐廳更重視是OpenRice的食評,那邊才是一個mass market marketing;而在OpenRice出的文章,始終不真正屬於自己,隨便寫、昧著良心寫,也沒太大關係吧... 由上月開始,我自己在OpenRice提交的文章,都不會特別提及試食,只在blog中提及並標籤出來,以資識別。不過,內容仍是真實感受來的。


  
講真,每月自己也有少量廣告收益,不能五十步笑一百步,但總之希望保持大部分的文章都是真心話,而非廣告稿。始終,寫blog是我的興趣而非職業,對於賺錢也沒有非常的在意,講真如要搵銀我倒不如早日回到公司上班!
 
寫得多了,講回吃吧。這家店是食友的提議,沒留意飲食資訊的媽媽真的不知道它的背景云云,只知道食物水準比前一場甜品好多了。首先上檯是炸魚皮 ($14),清脆可口,不帶油益味,淨吃或泡湯都一樣美味。
 

甜魔媽媽愛吃淨雲吞 ($28),也點了一客;一客共有9隻,身量十分小巧,女生也可輕易一口吃掉一粒,重點是皮薄肉鮮甜,襯上清徹味鮮而不太味精的湯頭,感覺很舒服。


辣牛根幼麵 ($28) 很有驚喜,微辣的湯底,令稔滑微微黏牙的牛根更添惹味,加上口感脆彈的幼麵更妙了。後來看了Oph的介紹,原來這麵是這店的口碑菜式之一,大家來吃要試試了。
   

其實個人喜歡吃牛腩多於牛根,不過是晚的牛根實在出色,將牛腩幼麵 ($28) 比下去了。不過以此價位,吃到份量不少的牛腩麵,也算不錯啦,如果牛腩肉質鬆化一些會更好。
 

招牌豉油王炸醬撈河 ($40) 是另一款新嘗試,味道有點搞笑,那醬是咸中帶點甜的!? 而且河粉一撈易斷又散,不過整體口味也算不壞,人多貪好玩這樣一試也幾開心。自己一個人來就選點前兩款湯麵較好。
 

最後是魚皮餃粗麵 ($28),其實魚皮餃也是個人的心頭好,愛它的皮脆彈牙與鮮甜,這次襯上粗麵也一樣滿有口感,組合起來也令人滿意。


另外還有清嫩好吃的腩汁菜芯,我吃了極多!但最後不知道多少,因為給Thomas搶去埋單了... 真的多謝他。
 
又,文迪正在當晚作動入院,不過用了好幾天時間,小吉才出來,真的辛苦她了... 這兩星期,無論是BB或父母,都是最難熬的適應期,希望他們一家三口要好好加油~
 
大隻佬麵家
地址:旺角黑布街97號地下
電話:2363 2838
 
** 想收到兩小兄妹的最新消息,可以like一下Matthew and Chloe fanpage哦~~

留言

  1. 對呀!無論係寫食評、逸事、家事、工事,要做到我手寫我心都唔易,要考慮、顧及的因素著實太多嘛!

    回覆刪除
    回覆
    1. 係架, 通常一D越成功的食家, 寫D野越commerical, 個balance真係唔易拎
      其實冇可能please全世界啦, 堅持到自己的原則就ok啦

      刪除
  2. 回覆
    1. 多謝支持, 不過我唔算勁真, 要睇超真食評可以去下面, 我覺得佢係我識的食友中寫得最真同最少試食的一位~~~

      http://ordinaryjj.blogspot.hk/

      刪除
  3. 欣賞你的誠實.....對於你家的試用文字,我都是跳過不看......除非我想去,不過,我還是會繼續看你家的文字的。

    回覆刪除
    回覆
    1. 多謝支持, 同上, 要睇超真食評可以去下面, 我覺得佢係我識的食友中寫得最真同最少試食的一位呢~~~

      http://ordinaryjj.blogspot.hk/

      刪除
  4. 我睇完,好失落。即係你繼續作假,然後我地要靠自己既智慧去分辯?定係係openrice就假自己blog就真?不過你話好麻麻既甜品試食係寫到好好架,之後又玩踢爆,以後係咪要等後續先知好壞?我差d就約人去食呀!

    回覆刪除
    回覆
    1. sorry令你受誤導, 其實個篇仔細睇文字的話, 我已經寫到佢d食物麻麻啦...

      至於OpenRice度, 你可以話係作假, 但我只想一篇由心分享的食評唔好被hide (desktop的全部試食文都自動被隱藏), 俾大家多d資料/意見參考。講來講去, OpenRice依個制度唔合理!

      刪除
  5. 不喜勿看都要看左先知喜唔喜架,下次寫不喜勿回。

    回覆刪除
  6. 我有個疑問,廣告費如果對你可有可無,何不老實寫?

    回覆刪除
    回覆
    1. 有額外收入當然都係好事, 只係我唔想令blog變totally commerical啫

      都係個句, 如果好想睇超真實, 冇乜試食的食評, 推介去睇jj個blog:

      http://ordinaryjj.blogspot.hk/

      刪除
  7. 確實係好難做,除非退出。你會退出嗎?

    回覆刪除
    回覆
    1. 相信唔會, 始終, 我寫blog係滿足自己, 記錄低小兄妹的一點一滴啊! 多人睇, 有外快係bonus, 就算冇, 都會一路寫落去~~

      刪除
  8. 我想講我唔反對試食,但係好反感你利用對仔女做廣告。好多次試食小兄妹都有份,而且拍佢地大量食相,仔女已成為你既工具。

    回覆刪除
    回覆
    1. 其實可唔可唔諗咁複雜? 佢地係我仔女, 點會係工具呢, 只不過佢地都係好為食, 見到適合的食物好自然想一齊食, 我亦鍾意捕捉佢地食野時的自然神態~~ 廣告我地拍過, 要repeat勁多次去take一個shot, 完全係2回事!

      刪除
  9. 始終認為真小人好過偽君子

    回覆刪除
    回覆
    1. agree, 不過依家越來越難分, 有時都覺得個balance唔易拎

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~