Thai Basil【奇想篇】三個人的泰國行

連寫兩篇試食後,也是時間寫一寫自己的食記,讓可愛的Chloe妹妹也出一出場啦!今晚記的是上週一,出席完The Experience Company活動後的三人行late dinner,也是又滿意又盡興的一頓。


其實在活動中已經吃了十多款canapes,不過大食的甜魔媽媽嘛,胃部還是有點空虛,由深水灣搭的出來的路上,突然bling出金鐘太古廣場的Thai Basil,就它了!


想吃Thai Basil的原因有幾個,首先也是最重要是老公的AE白金卡有二人半價,第二是甜魔媽媽很想念這裡的雪糕香蕉布甸,最後是有點無聊,但卻是想實行很久的念頭----去借一借太古廣場的BB車來用!不止太古廣場,其實IFC及圓方的BB也有興趣借用啦,不過這裡的車是一直用開的Chicco,更有興致了~

老實講,這架車比起家中前後添置的兩架Chicco車,都實在渣很多,對於現在開始活躍、不斷試圖轉身的Chloe妹妹,有點招架不住呢!不過由於餐廳不設BB high chair,有架BB車可以給Chloe妹妹坐,的確方便很多。
 


Chloe妹妹越來越貪玩了!!
估不到是接近9點的時間,偌大的餐廳仍然差不多爆滿,我們也等了7-8分鐘才安排到座位。還好之後上菜倒是幾快,這是老公的virgin版青檸梳打 ($39),因為之前真的飲得太多酒精啦!味道不錯的。甜魔媽媽對甜品的興趣遠大於飲品,只飲清水好了。


有了青檸,在等食之際可以與Chloe妹妹玩餵食檸檬遊戲了!還記得Matthew就是約9個月大,首次給餵食檸檬 (按此觀看舊片);這晚爸爸也試圖餵Chloe,不過妹妹好醒目好叻女,多次推卻了!雖然,在沒人餵時又心思思想啜了,哈哈~~~




玩了一陣,食物也上檯啦!先前已吃了太多的小食類,這晚直接跳來飽肚的主菜,首先是蝦炒金邊粉 ($116),成品熱辣辣、配料豐富、粉條軟滑彈牙,口味酸甜中帶香辣惹味,挺好吃,而且碩大鮮爽的大蝦也有六隻之多,貴一點也物有所值。結果,很大的一碟也飛快的給清光了~


共有六隻大蝦之多
另一個主菜是紅咖哩鴨 ($118),跟一份散點的薄餅 ($22) 上檯。酥香的鴨肉與香辣的咖哩交織出來的化學效果,是意想不到的合拍美妙,超喜歡的!除了鴨肉,香辛的咖哩中還有大量的雜菜如豆角、羊角豆、泰式茄子及軟稔薯仔等,每一款都入味又好吃,加上咖哩汁超多的,又是相當值得推介。
 


薄餅就是最普通沒特別的一項,不算太鬆化。不怕太飽肚的,其實應該點一碗白飯來拌咖哩吃,一定會滋味更多!


沒辦法,我們要留肚給甜品嘛~ 不計雪糕,店內有5款甜品選擇,除了椰青糕及鮮南瓜吉士興趣一般,甜魔媽媽對餘下三款都愛不釋手啊!好不客易選擇放棄了香芒黑糯米 (一來個人喜歡吃白糯米,二來相信香港的食店很難做到泰國的水平!),就安心享用雪糕香蕉布甸及心太軟好了。
 

雪糕香蕉布甸 ($60) 先上,由焦糖脆脆、蜜糖味雪糕、香蕉布甸再加大量雲尼拿蜜糖汁組成的甜品,看賣相及成分已知無得輸,的確,熱暖香甜軟滑的香蕉布甸,撞上冰凍美味的蜜糖味雪糕,再加上雲尼拿蜜糖汁更加甜美滿分了。還有蜜糖脆脆那又香又脆的口感,令甜品的口感更加豐富多彩,真是這裡的必吃甜點推介呢!


另一款甜品是暖朱古力餅.冧酒提子雪糕 ($68),其實也即是冧酒提子雪糕拌心太軟,甜品份量頗大,賣相也美,加上心太軟一切開流心澎湃,帶來無限驚喜!
 

不過心太軟流是流心,朱古力味卻頗淡薄,不夠香濃迷人呢。反而同上的冧酒提子雪糕酒味頗勁,更有吃頭。最後連一邊的雜莓都全部吃光光,滿足而歸。
 

用上AE白金卡的5折優惠 (折扣不適用飲品),埋單只是二百多點,這頓充滿泰式風味的late dinner真抵食!其實如有機會,可以帶著妹妹來個短短三人行,應該也會輕鬆好玩;不過想想就行,現實中要拋底Matthew小魔怪,間中一晚沒問題,幾天下來應該又會掛念了~ 發完夢,十點多也是時間回家,一家四口團聚啦!
  
Thai Basil
地址:金鐘金鐘道88號太古廣場地庫001號舖
電話:2537 4682
 
** 想收到兩小兄妹的最新消息,可以like一下Matthew and Chloe fanpage哦~~

17 則留言:

  1. 妹妹條裙仔好靚,我鐘意佢扎辮仔,好可愛

    回覆刪除
    回覆
    1. 女仔可以打扮, 真係比男仔多200倍樂趣呀! 雖然都side多200倍錢...

      刪除
  2. 看黎好吸引呀,我都好想食泰國野添

    回覆刪除
    回覆
    1. pad thai, 咖哩鴨同香蕉布甸都好得, 心太軟就一般了~~~

      刪除
  3. Haha妹妹好有性格呢爸爸都冇面俾

    回覆刪除
    回覆
    1. 太難食啦, 爸爸都冇臉俾~~~

      刪除
  4. 回覆
    1. 的確唔錯, 難怪夜媽媽都爆場~~~

      刪除
  5. 妹妹嘅可愛指數又升咗啦!
    5折食物又真係扺喎!

    回覆刪除
    回覆
    1. 係丫, 妹妹依家進入最可愛的階段, 所以依家我日日都係咁鍚佢架

      依間真係唔錯, 下次都可以帶埋matthew返兜多次

      刪除
  6. 好耐無去呢間喇...估唔到佢仲屹立不倒喎!
    不過喺呢個場以呢個價錢, 係幾好食既!

    回覆刪除
  7. 我地真係甜味相投呀, 我都係好LIKE呢二個甜品,加上有AE card, 未生之前成日都想o黎就係為左佢地:p
    你老公拎返AE card 了? 其實係幾抵用o既:p

    回覆刪除
    回覆
    1. 其實仲有芒果糯米飯想試, 但真係冇胃納啦...

      申請返了, 希望可以努力食多幾餐賺返年費啦~~~

      刪除
  8. I just wonder how much your husband loves Chloe. I don't understand why he keeps giving the lime to Chloe when she refuses to suck the juice. Does he just think that Chloe is a toy to him? I still remember he did the same to Mathew when M was still a baby. By the way, are you two going to take some courses and learn to be a loving couple to your son and daughter?

    回覆刪除
    回覆
    1. 收到你留言, 真係有點溫馨又有點無奈, 好矛盾添~~ 相信你都睇左我個blog好耐啦, 其實我地都主張多俾bb試唔同野, 根據七田真的理論, 味蕾上的刺激都係其中之一呢! 檸檬/青檸都係天然的食物, 試下無壞呀~ 講真作為父母, 我地唔太擔心bb食錯野, 更怕佢地接收了唔好的msg / 榜樣呢!

      刪除
  9. Absolutely love their pad thai and sticky banana pudding! They have indeed excelled these two dishes so well! And I also recommend their thai roasted eel! Check my recent blog post to Thai Basil for the photo :)

    回覆刪除